محدش لية .. عاوز يرد على ثبات السيتى 1300 بعد ال 120

كل ما بسأل حد على ثبات السيتى بعد سرعة ال 120 كيلو . على طريق سفر محدش يرد.. عاوز اعرف الثبات على طرق السفر بعد ال120 مش فلا البلد اقصد فى السفر :p
عشان طريق السفر بتبان فى الثبات و خصوصا على طريق العين السخنة بمعنى لما بيبقى فى شوية هوا و العربية بتجرى على 120 بتعوم او على 140 او اكتر بيبقى نزام الثبات اية
ياريت لو حد عندو تجربة مع ثبات العربية فى طرق السفر يقولى
مع العلم انى انا كان معايا رينو كليو 1200 و انتو عرفين ثبات الكليو اية
ياريت حد يقولنا عشان مهم حد يفدنا عن الثبات فى السرعات ما بعد ال120 و لا العربية بتبقى خفيفة كمان على ال 120 دى تبقى مصيبة :confused:
ياريت من كل ملاك الهوندا سيتى يقولولنا لان العربية طالع عليها سمعة ان الثباات سىء سىء سىء
فى ما بعد ال 110 .. و لو حد عندو تجربة السفر و السرعة و الثبات حد يقولنا
انا هحجز هوندا 2008 انشاء اللة و كلامكم هو اللى هيحدد انشاء اللة
و هل هحس بفرق بينها و بين الكليو اللى كانت معايا . :eek:

مستنى ردودكم يا احلى منتدى و احلى ناس فى مصر :] :]

بص يا سيدي واحد زميل لينا في الشغل العربيه دي قلبت بيه و هو داخل ملف بسرعة 120 في الغردقة و اعتقد من اسم العربية دي "City" انها مصممة للمدن بشكل رئيسي و لو حتسافر بيها يبقى تاخد باللك في مناطق زي منحنيات العين السخنة و ما تجريش اكتر من 80 -90ك/س

لا لا لالا انت بتتكلم بجد ... مفتكرش قمال بيقولولى لية 160 مرتاحين و الكلام دة

انا الحمد لله استلمت الهوندا بتاعتى (سيتى 1300) من اسبوع تقريب والحمد لله عربية ممتازة
ان شاء الله افتح موضوع جديد فى المنتدى واكتب عن انطباعى عن العربية

انا جربتها وانا مسافراسكندرية وانا راجع قلت اشد بيها اشوف هتجيب كام .. العربية جبت بيها 180 والله العظيم . بالنسبة للثبات العربية لغاية 140 ثباتهاا جيد بعد كده الثبات بيخف كلما زادت السرعة بيبقى لازم تمسك الدريكسيون كويس .. بس ممكن تتعالج بجنوط اكبر (جنوط 15 مثلا) زى مشكلة الفيرنا بيعالجوا مشكلة الثبات فيها بالجنوط.
وانا مختلف تمام مع الاستاذ mshamy فى انها قلبت فى منحنى بسرعة 120 ..ده اكيد كان عيب من اللى سايق لان ثبات العربية على السرعة دى حلو جدا ... وازاى ما يجريش بيها اكثر من 80-90 ,, هو راكب 127 ولا ايه ؟؟؟ :) العربية وزنها فاضية من غير الموتور 1080 زيها زى الانسر البومة 1085

العربية اسمها سيتى علشان هى مصممة انها تبقى مريحة جدا فى السواقة جوه البلد الباور بتاعها ناعم جدا وموفرة جدا فى البنزين ...

اقتباس:

---

المشاركة الأصلية كتبت بواسطة mshamy

بص يا سيدي واحد زميل لينا في الشغل العربيه دي قلبت بيه و هو داخل ملف بسرعة 120 في الغردقة و اعتقد من اسم العربية دي "City" انها مصممة للمدن بشكل رئيسي و لو حتسافر بيها يبقى تاخد باللك في مناطق زي منحنيات العين السخنة و ما تجريش اكتر من 80 -90ك/س

---

هى فعلا ثباتها مش حلو اوى بعد 120 و 130 حسب الطريق

طبعا أهل مكة ادرى بشعابها زي ما بيقول المثل
انا لقيت محدش رد على الراجل فقلت انقل له تجربة زميل في العمل زي ما وضحت قبل كده
انا شخصيا عجباني جدا ركوبة السيتي بس تصميمها "الأيرودينامك" مش بيساعد فعلا في المنحينيات على سرعات عالية غير كده هي في الأخر "هوندا" ;)

اقتباس:

---

المشاركة الأصلية كتبت بواسطة ahmediz2000

انا الحمد لله استلمت الهوندا بتاعتى (سيتى 1300) من اسبوع تقريب والحمد لله عربية ممتازة
ان شاء الله افتح موضوع جديد فى المنتدى واكتب عن انطباعى عن العربية

انا جربتها وانا مسافراسكندرية وانا راجع قلت اشد بيها اشوف هتجيب كام .. العربية جبت بيها 180 والله العظيم . بالنسبة للثبات العربية لغاية 140 ثباتهاا جيد بعد كده الثبات بيخف كلما زادت السرعة بيبقى لازم تمسك الدريكسيون كويس .. بس ممكن تتعالج بجنوط اكبر (جنوط 15 مثلا) زى مشكلة الفيرنا بيعالجوا مشكلة الثبات فيها بالجنوط.
وانا مختلف تمام مع الاستاذ mshamy فى انها قلبت فى منحنى بسرعة 120 ..ده اكيد كان عيب من اللى سايق لان ثبات العربية على السرعة دى حلو جدا ... وازاى ما يجريش بيها اكثر من 80-90 ,, هو راكب 127 ولا ايه ؟؟؟ :) العربية وزنها فاضية من غير الموتور 1080 زيها زى الانسر البومة 1085

العربية اسمها سيتى علشان هى مصممة انها تبقى مريحة جدا فى السواقة جوه البلد الباور بتاعها ناعم جدا وموفرة جدا فى البنزين ...

---

أنا معنديش فكرة عن ثبات السيتى الـ1300 بصراحة عامل ازاى لكن بالنسبة للـ 1500 اللى معايا فثباتها محترم فعلاً سواء على منحنيات بسرعات عالية أو عند الفرملة الشديدة من سرعات عالية (مفيش أى انحراف أو عومان اطلاقاً) و عن عدة تجارب على مدار سنتين هى عمر العربية دى معايا ... فى طريق فى اسكندرية اسمه محور التعمير هو يعتبر شبه high way بدون تقاطعات فى معظم أجزاؤه بس فيه بعض المنحنيات الحادة و ساعات بآخد المنحنيات دى على 150 و بأحس انى ممكن أزود السرعة عن كدة و العربية بتبقى متبتة فى الأرض ...

على كل حال لو حضرتك عايز تبقى مطمئن تماماً يبقى غير الجنوط و الكاوتش العادة اللى فى الـ 1300 لما تستلمها و ركب جنوط 15 و كاوتش زى اللى بييجى فى السيتى الـ 1500 (بريدجستون بوتنزا 180/55R15) و دة كاوتش غالى و مزعج شوية لكن ممتاز فى الثبات.

ع فكره وزن اللانسر البوما السبورت اديشن 1220 فى الكتاالوج انما اللى حضرتك بتقول عليه دا ممكن ال 1300 سى سى .......الله اعلم؟
انما السيتى مع واحد صاحبى والصراحه فرق فظيع فى الثبات بينها وبين اللانسر بتاعاتى وهيا 1500 سى سى انما سحبها رهيييييييييييب ولكن على الملفات بسرعه كبيره اكبر غلط

لا لا ثباتها مش حلو خااااااااااااالص عن تجربة بجد بس انا مكنتش بجرى الصراحة

و اخويا حتى معاه اليومين دول السيتي بتاعتى هى عجباه و كل حاجة بس بيحس انه

مقلق و هو سايق رايح الشغل

العربية عالية اوى و خفيفية اوى و دة برضه مأثر على ثباتها

شكرا على ردودكم ... دلوقتى كل و احد وجاى بيقولى مرة انها حلووة و مش حلوة
هى للدرجاتى عاملة زى المرجيحة انا كان معايا رينو كليو وثباتها تحفة لاغيت ال 150
تبقى دى تقولولى انها لغايت ال130 او 120 و كويسة
دى تبقى فضيحة للهوندا
طيب ثبات الاوبترا احسن و لا الهوندا ولا الرينو انا اتجننت يا ناس :(

معلش اسمحولى أتكلم بالأرقام لأن مشكلة الثبات انه بيبقى "احساس" انما فى اختبارات بتتعمل للثبات بالأرقام و دى بتبقى أرقام فعلية مش مجرد احساس ... لو حضرتك دخلت على موقع www.safercar.gov حتلاقى نتائج اختبارات الأمان الأمريكية NHTSA و من ضمنها تقييم Rollover resistance و دة بيتقاس بنسبة مئوية هى الـ Chance of rollover و كلما قلت كلما كانت الثبات أعلى ... و دى نتايج الاختبار دة لمجموعة من السيارات:

* هوندا فيت (النسخة الهاتشباك من هوندا سيتى و هى أقل وزناً من السيتى و بالتالى ثباتها أقل): 13% (4 نجوم)
* تويوتا ياريس: 13% (4 نجوم)
* شيفروليه أوبترا (بتنزل فى أمريكا باسم سوزوكى فورينزا): 11% (4 نجوم)
* لانسر 2007: 10% (4 نجوم)
* لانسر 2008 (الشكل الجديد): 12% (4 نجوم) -- و النسخة اللى تم اختبارها نازلة بكاوتش 215/45R18 يعنى ثباتها حيكون أعلى من اللى بتنزل مصر
* بى ام دبليو الفئة الثالثة 2008: 10% (4 نجوم)
* كورولا 2008: 12% (4 نجوم)
* هيونداى الانترا 2008: 10% (4 نجوم)
* مازدا 3 سيدان: 10% (4 نجوم)

زى ما حضرتك شايف من القائمة دى فى عربيات بنقول عليها هنا فى مصر ثباتها تعبان و عربيات ثباتها تحفة .. لكن فى النهاية الأرقام الفعلية المبنية على اختبارات و معايير صارمة بتقول ان كلهم ثباتهم قريب جداً من بعض و كلهم واخدين 4 نجوم يبقى عنصر الثبات حضرتك اطمئن تماماً من ناحيته و شوف باقى احتياجاتك ايه و قرر على أساسها.

معلشان يا استاذ جندى انا مش عاجبنى الارقام دى وانا بامن بالتجارب الحقيقيه مش الارقام والحقيقه ان السيتى ثباتها سىء مقارنها بالسيارات اللى فى فئتها والكورولا الجديده ثباتها اعلى بكثير من الارقام الموضوعه وواضح من الارقام ان الماذدا 3 اثبت من الكورورلا الجديه وعلى ارض الواقع هذا الكلام غير مظبوط وعلى فكره انا شفت مره مقارنه بين كورورلا 2008 وماذدا 3 وهوندا سيفيك وسوباروا
كانت كوررولا فى المركز الاول ثم السيفيك ثم السوباروا ثم الماذدا فى المركز الاخير
وعلى لسان صديق والده كان عنده ميجان وغيرها وجاب نيو كورولا قال ثبات لايوصف بالنسبة للماذدا 3 الذى يمتلكها
وشكرا

فعلا يا جندى يا مجند كلامك حلووو
بس انا خلاص هروح اسحب المقدم العشر بواكى وهجيب اوبترا عشان سمعت ان ثباتها حللو اووى
فهتوكل على الله وانا الثبات عندى على طرق السفر مهم اوى

اقتباس:

---

المشاركة الأصلية كتبت بواسطة hanyathlon

فعلا يا جندى يا مجند كلامك حلووو
بس انا خلاص هروح اسحب المقدم العشر بواكى وهجيب اوبترا عشان سمعت ان ثباتها حللو اووى
فهتوكل على الله وانا الثبات عندى على طرق السفر مهم اوى

---

طيب ماشوفتش الصنى؟

صنى مش عارف مابتنزليش من زوور يا اونا ... دة غيير انك تحسى انها ستايل قديم شوية
ميزة الاوبترا انها كبيرة وتقيلة على الارض و سعر اعادة البيع و قطع الغيار سهلة
فكدة اريح ..

اقتباس:

---

المشاركة الأصلية كتبت بواسطة hanyathlon

صنى مش عارف مابتنزليش من زوور يا اونا ... دة غيير انك تحسى انها ستايل قديم شوية
ميزة الاوبترا انها كبيرة وتقيلة على الارض و سعر اعادة البيع و قطع الغيار سهلة
فكدة اريح ..

---

ممكن برضه هي شكلها وقور اوى

بس الاوبترا لو هتجيبها بلاش اوتوماتيك

مانيوال إن شاء الله :]
بس بينى و بينك مش عارف ابتديت اتردد و افكر فى السيراتو بعد ما التوكيل ظهر تانى
فكرت فى السيراتو مانيوال ...
اةةةة لو اعرف بس انهى الللى احلى واقوى فيهم ..
وكمان هى السيراتو المانيوال بتنزل بمفتاح ريموت وكاسيت ؟؟؟
والوكيل نزلها بكام هل بنفس تمن الاوبترا

اقتباس:

---

المشاركة الأصلية كتبت بواسطة hanyathlon

مانيوال إن شاء الله :]
بس بينى و بينك مش عارف ابتديت اتردد و افكر فى السيراتو بعد ما التوكيل ظهر تانى
فكرت فى السيراتو مانيوال ...
اةةةة لو اعرف بس انهى الللى احلى واقوى فيهم ..
وكمان هى السيراتو المانيوال بتنزل بمفتاح ريموت وكاسيت ؟؟؟
والوكيل نزلها بكام هل بنفس تمن الاوبترا

---

خلاص استني اما اجرب يا هانى انا على بعد بكرة كدة تقريبا ان شاء الله هستلم هجربها و اقولك :D

بص العربية مانيوال ب 90000 مفهاش مفتاح ريموت لسه هركبه و الكاسيت كينوود و فيه CD

MP3

ماشى :] هستنى اول لما تجرب قولنا على تجربتك فى منتدى الكيا
و متشكر اوى يا نها :]

اقتباس:

---

المشاركة الأصلية كتبت بواسطة mido_smsm

معلشان يا استاذ جندى انا مش عاجبنى الارقام دى وانا بامن بالتجارب الحقيقيه مش الارقام والحقيقه ان السيتى ثباتها سىء مقارنها بالسيارات اللى فى فئتها والكورولا الجديده ثباتها اعلى بكثير من الارقام الموضوعه وواضح من الارقام ان الماذدا 3 اثبت من الكورورلا الجديه وعلى ارض الواقع هذا الكلام غير مظبوط وعلى فكره انا شفت مره مقارنه بين كورورلا 2008 وماذدا 3 وهوندا سيفيك وسوباروا
كانت كوررولا فى المركز الاول ثم السيفيك ثم السوباروا ثم الماذدا فى المركز الاخير
وعلى لسان صديق والده كان عنده ميجان وغيرها وجاب نيو كورولا قال ثبات لايوصف بالنسبة للماذدا 3 الذى يمتلكها
وشكرا

---

يا ميدو باشا ما هو المشكلة ان كل الكلام اللى حضرتك بتقوله هو "احساس" السائق و دة بيختلف جامد جداً من شخص لآخر و الدليل على كدة شوف حضرتك ردود الناس فى الموضوع اللى حضرتك بتشتكى فيه من عفشة اللانسر حتلاقى تباين شديد فى احساس كل واحد عن العربية و عن الفرق بينها و بين عربيات تانية .... أنا فعلاً جربت ثبات السيتى على المنحنيات عدة مرات على سرعات عالية لحد 150 و العربية كانت بدون مبالغة ما شاء الله متبتة فى الأرض فعلاً .. للأمانة المرة اللى كنت بأحس فيها ان العربية بتعوم كانت على طريق الغردقة كانت الرياح شديدة جداً و عمودية على اتجاه العربية و كنت ماشى على ما بين 160 و 170 و كنت فعلاً خايف أحرك الدريكسيون بس أعتقد صعب أى عربية تانية تبقى ثابتة فى الظروف دى. عشان كدة الفيصل فى الموضوع دة اختبارات الثبات اللى بتتعمل فى ظروف قياسية و ثابتة لكل العربيات و بتدى رقم واضح نقدر نقارن على اساسه.

مافيش حد يأخذ ملف على 120 وبعدين يقول العربية مش ثابتة

هذا جهل بالقيادة

السرعى القصوى فى الطرق السريعة هى 100 و فى طريق العين السخنة 120 و هذا فى حالة القيادة فى طريق مستقيم اما فى الملفات فيجب خفض السرعة و اللى ما يعملش كده يبقى جاهل سواقة

طبعا هذه السرعات القصوى مناسبة جدا لحالة الطرق المتدنية فى مصر و للسواقة مع السواقين الجهلة، اللى يطلع على الطريق بدوا اضاءة خلفية او امامية، او بيركنوا على الطريق السريع بدون نور برضه

مفيش حد قال ان الواحد يفضل ماشى طول الطريق على السرعات دى ... السرعات دى بتتعمل لمسافات قصيرة جداً و بالنهار و يكون الطريق فاضى و بتتعمل لاختبار امكانيات السيارة و بعد كدة نرجع للسرعات العادية ... الموضوع دة ليس دعوة للقيادة السريعة و لكن مجرد نقاش عن ثبات و امكانيات السيارة.

السرعة القصوى هى السرعة اللى لا تتعداه فى اى حال من الاحوال، و اللى عاوز يجرى يجرى

السرعة هى الحل لانها يؤدى الى الحوادث و ارتفاع عدد الوفيات و تساهم فى حل مشكة ازدياد السكان، و مشكلة المرور، بالاضافى الى اذدياد ايرادات الحانوتى و السمكرى و الميكانيمى و اطباء العظام و الجراحة، يعنى بتحل مشاكل قلة الدخل و تساعد على انتعاش الاقتصاد القومى

استمروا يا شباب على 120 و 140 و 160 و 180 السرعة هى الحل احنا قربنا على 80 مليون و انفلت عيار تحديد النسل، الامل فى الشباب لزيادة نسبة الوفيات
بارك الله فيكم

I have City but have lower spings and 185x60x13 tires and strut bars front and rear and my handeling is perfect

يا استاذ كيمو بوى ممكن توضيح بالغه العربيه عشان مش كل الناس بتجيد اللغه الانجليزيه ده غير ان المنتدى بالعربى

I write simple English, sorry don't write in Arabic.

اقتباس:

---

المشاركة الأصلية كتبت بواسطة hosam_m3

يا استاذ كيمو بوى ممكن توضيح بالغه العربيه عشان مش كل الناس بتجيد اللغه الانجليزيه ده غير ان المنتدى بالعربى

---

Dear KIMBOY ….the mother tongue here is Arabic bec and if you want to write in English please take care of spilling as if u don’t write in Arabic …..u mean lower spins not (spings) and I think u mean handling not -handeling-

The mistakes is because I write fast. It's not only me that write in English, and again it's simple English that anyone can understand. Btw it's spelling not spilling. So you too take care when you write.

اقتباس:

---

المشاركة الأصلية كتبت بواسطة hosam_m3

Dear KIMBOY ….the mother tongue here is Arabic bec and if you want to write in English please take care of spilling as if u don’t write in Arabic …..u mean lower spins not (spings) and I think u mean handling not -handeling-

---

I mean Springs not Spins or Spings. It would be better if you replied in Arabic than English, a lot of grammar and spelling mistakes.[

QUOTE=u mean lower spins not (spings) and I think u mean[/COLOR][/FONT] handling not -handeling-[/QUOTE]

يا جماعة لا داعى للتجادل فى الموضوع دة كتير ... kimoboy كل ما فى الأمر انه ما عندوش كيبورد عربى معتقدش انه بيكتب انجليزى تكبراً على العربية ... فلا داعى لانشاء خلاف من لا شئ.